Margrét Erla Maack býður uppáhalds-skemmtikröftum sínum í þeysireið um Ísland allt árið 2020 og verður sýningin haldin mánaðarlega á Gauknum í kringum fullt tungl og annars staðar í kringum þær dagsetningar. Sýningin er bönnuð innan 20 ára og hentar ekki þeim sem hræðast undur mannslíkamans. Hún hentar einstaklega vel fólki sem tekur lífinu létt, en fíflagangi grafalvarlega. Miðaverð er 2900 krónur í forsölu, 3900 við hurð.
Græni hatturinn Hentar einstaklega vel fyrir kabatettstemmingu. Við hlökkum gríðarlega til að fara aftur norður. Epísk sýning á epískasta skemmtistað Akureyrar! (Myndin er samt tekin á Siglufirði, en Tom Harlow, sem er á á myndinni, verður með í sýningunni). Sýningin hefst kl. 21.
Fyrsta gróðurhúsa-burlesque-sýning landsins! Kabarett og kynusli, burlesque, boylesque og BÚKALÚ! Sýning hefst kl. 21:00.
Síðast þegar við fórum til Borgarness ætlaði þakið gjörsamlega af húsinu. Söguloftið hentar einstaklega vel fyrir Búkalú. Nálægðin við áhorfendur skapar eitraða stemmingu. Sýningin hefst kl. 21.
Aftur í Borgarnesi, þvi það er svo gaman! Söguloftið hentar einstaklega vel fyrir Búkalú. Nálægðin við áhorfendur skapar eitraða stemmingu. Sýningin hefst kl. 21.